Hjalmar Söderberg: Le joco seriose (Traduction in interlingua: Erik Enfors & Ingvar Stenström)

Hjalmar Söderberg (1869-1941) es considerate como un bon stilista de su epocha. Ille ha scribite poemas, novellas, romanes, recensiones etc. Su obras es traducite a circa 20 linguas e nunc tamben a interlingua. “Den allvarsamma leken” (Le joco seriose) esseva publicate in 1912 e es ancora un obra satis popular. Le roman describe un parte del vita de un homine in le initio del vintesime seculo. Le personage principal experientiava un amor de juventute con un puera innocente. Post un maritage infelice con un altere femina ille per hasardo la reincontra. Le puera innocente tamben ha experientiate un maritage infelice e essera nunc un amante avantiate. In le juventute illa un vice diceva: “Io vole, ma io non osa”. Iste vice illa le saluta con: “Me tu pote amar in maniera pagan”. Il es comprensibile que iste libro eveliava e interesse e protestos in ille tempore. Intertanto le autor describe le vita quotidian de ille tempore e mentiona alcun eventos historic que eveni alora e da visiones del urbe Stockholm. (202 paginas A5)
ISBN 9789197706636

Ingvar Stenström: Interlingua e su promotion durante 50 annos

Iste libro presenta un historia de Union Mundial pro Interlingua (UMI) in le forma de un narration personal con photos, basate sur le recerca e re-lectura de milles de paginas de documentos, letteras e magazines. Le autor es un del pioneros de Interlingua, qui incontrava Interlingua in 1952 e qui assisteva al fundation de UMI in 1955. Le libro da un vista fascinante a in un mundo de pioneros, qui durante plus que 50 annos ha laborate intensivemente pro lor conviction que le mundo besonia un lingua international neutral pro realisar le belle pensata, que tamben ha devenite le motto de UMI: ”Communication sin frontieras” – communication pro crear comprension inter individuos e inter nationes. (270 paginas A5)

Erik Enfors ha alcun exemplares in stock. Alora le precio es 160 SEK + porto e imballage a Svedia 50 SEK, summa 210 SEK. Pagamento post accordo con Erik con Swish a 0730-656021 o al conto bancari 083 881 003 118 267 8 Varbergs Sparbank, Erik Enfors.

Ingvar Stenström & Leland B. Yeager: Interlinguistica e Interlingua

“Interlinguistica e Interlingua” es un collection de discursos public, un in anglese e le resto presentate in le idioma international Interlingua.
INTERLINGUISTICA es – secundo le definition de Otto Jespersen – “le branca del linguistica que se occupa del structura e del principios de tote linguas con le objectivo de establir un norma pro linguas planificate, i.e. pro linguas auxiliar, le quales es destinate pro uso scripte e oral inter populos qui non pote communicar per lor linguas national”. Su utilitate como instrumento de communication con 500 milliones de romanofonos deberea esser evidente. Pro le populos de Africa e de Asia Interlingua es un clave al linguas occidental e per consequentia al scientia e tecnologia. Le futur potential de servicio de Interlingua in communicationes es enorme e digne del interesse de tote linguisticos. Secunde edition revisionate del libro. ”Tema: Interlinguistica e Interlingua” 1991. (72 paginas A5)