Interlingua es un lingua utile pro omnes qui vole expander lor vocabulario, e poter melior comprender plure linguas de origine latin, assi como espaniol, portugese, francese e italiano. Interlingua ha un grammatica facile e pote esser describite como ”le latino moderne”, proque illo es basate al vocabulario greco-roman que ha supervivite in le linguas moderne. Homines de plure nationalitates pote, sin grande problemas, leger e comprender un texto in Interlingua, mesmo sin saper del existentia del lingua.

Le lingua in le linguas!

Interlingua es facile a apprender e utile in omne studios lingual! Post un breve tempore, tu pote leger e comprender Interlingua. Como le prime passo, tu pote vider le inspirante videos in basso. Tu comprende plus que anticipate, nonne? Plus que 800 milliones homines pote comprender Interlingua sin studios previe.

Le Societate Svedese pro Interlingua (SSI), es responsabile pro iste sito. Nos es enthusiastas de linguas, le quales vole dispersar e parlar Interlingua. Si tu es interessate, nos ha multe materiales in iste sito, per exemplo cursos, textos, litteratura e ligamines. Tu anque pote ingagiar te per adherer al societate. Contacta nos pro plus de informationes.